…Cuntami quantu è longa ancora st’acchianata
CUNTAMI
^*^*^
Cuntami Regalpetra cuntami
unni porta la strata di stu mari? Dimmi di la genti ‘ntrapinnenti
ca cu tia nun potti cchiu’ ristari
Parlami di la sfurtuna di stu suli
tra tri mari a tia ti ‘nchiusi
Luntana di lu munnu
la vita tristi di pirreri e di carusi
Cuntami quantu e’ longa ancora st’acchianata
miliuna di litra d’acqua ti tinniru distanti
Di unni ti traseru l’invasura
scapparu duoppu tutti l’emigranti
Dimmi la storia di sta terra
la pinna chi dasti a li scrittura
fu’ la sapienza la cosa cchiu’ ‘mpurtanti?
oppuru la longa to’ svintura?
