Le poesie di Giovanni Salvo
![](https://www.malgradotuttoweb.it/wp-content/uploads/giovanni-salvo-1-300x300.jpg)
AMURI
*_*_*_
Si voli turnari sempri unni si fu’ felici
cu lu patri, li nanni e l’amici
Nun sempri la strata ti cci porta
la spiranza pero’ nun e’ mai morta
Stringi l’occhi, stringili forti
curri, ammutta, apri li porti
Torna a quannu fusti picciliddra
a la finestra di la vita beddra
Talia d’intra lu jardinu
quannu ricivisti un rigalinu
Comu la rota di la nova bricichetta
la vita gira ancora e nun aspetta
La spartenza ca ruppi lu distinu
la partenza cu li vuci, lu camminu
La lacrima chi ti vagna’ lu visu
la filicita’ spiruta, all’impruvvisu
Bona l’isula unni truvasti riparu
tra lu sonu di chitarra, lu duci e amaru
Cca’ scupristi chiddru chi ti manca
unni lu cori spissu arranca
Ti ‘nzignasti, taliannu di lu mari
la vucca di focu ca ti fici amari
Chi l’amuri, l’amuri anchi si e’ pirdutu
a li voti ti po’ essiri d’ajutu.
(Dedico queste rime al libro di Catena Fiorello)